پەیمانگەها گەل و سیاسەت خولەکا پێشکەفتی د هونەرێ گۆتاربێژیێ دا بۆ گەنجان ل دهۆکێ رێکخست.

د ڤێ خولێ دا، راهێنەر (سەردار دۆسکی) چەندین بابەتێن سەرەکی یێن هونەرێ
گۆتاربێژیێ وەک ئارمانجێن گۆتاربێژیێ، دارێژتنا گۆتارێ، شارەزایا پێشکێشکرنێ، زمانێ جەستەیی، زێدەباری هونەرێ دیبەیت و دیالۆگێ بو پشکداران شروڤەکرن.
هەروەسا ب مەرەما هەلسەنگاندنا ئاستێ پشکداران و دەستنیشانکرنا خالێن بهێزێ و خالێن کو پێدڤی ب گەشەپێدانێ هەیە، کۆمەکا راهێنانێن کرداری د ڤێ خولێ دا هاتنە ئەنجامدان وپشکداران چەندین گۆتار پێشکێش کرن.

ئارمانج ژ ئەنجامدانا ڤێ خولێ، پێشڤەبرنا شییانێن گۆتاربێژی و پەیوەندیکرنێ یە ل
دەڤ گەنجان، و پالپشتیە بو وان داکو بشێن هزر و پەیامێن خو ب رەنگەکی روون
و کاریگەر دەرببرن.